欢迎来到足球图库!
当前位置:主页 > 东方日报 >
曼联大省招牌
时间:2019-07-13 08:48   来源:足球图库
首场热身赛斗珀斯光辉
曼联季前热身赛第一击,周六晚将会作客斗珀斯光辉。「红魔」季前签入嘅丹尼尔占士同云比沙卡等新兵,今场有望首次上阵同魔迷见面,为博表现肯定会畀多几成力,加上光辉身为上季澳职常规赛冠军,火力亦有番咁上下,今仗随时为球迷献上入球骚,中位数3.5球入球大咪错过。
(Now 640周六晚7时直播)
「红魔」上季4大皆空,仲痛失欧联资格,经历令人失望嘅一季,尤其防线表现欠稳,成为英超Big6失球数最多嘅球队,新季好大机会面临大变革。阵中多位主力季前会否继续留队,成为各界关注嘅焦点,除咗以天价回流嘅法国中场保罗普巴,一直盛传想另觅东家之外,比利时前锋卢卡古亦蠢蠢欲动想转会,两位有离心球星今次都有随队出征,领队苏斯克查肯定努力游说佢哋留队。
新兵登场值得留意
不过苏斯克查深知「红魔」嘅未来属于后生仔,今场季前热身赛嘅主角应该都会属于一班小将,睇番曼联季前至今买入嘅新兵,丹尼尔占士同云比沙卡都属于英伦本土新晋,其中后者上季已经喺英超为水晶宫崭露头角,表现有板有眼,加上格连活特同安祖高美斯等青训新仔,绝对值得一班「魔迷」期待。
另一边厢,珀斯光辉上季虽然同季后赛总冠军失诸交臂,不过作为澳职常规赛冠军,整体质素绝对有保证,尤其常规赛轰入56球,係联赛火力最勐嘅球队,今场越级挑战英超劲旅曼联,冇赢波压力反而有助球队发挥,宁愿抢攻入多几球赠兴,一于吼实入球大。
上一篇:银河跌Watt冇圣算     下一篇:超霸鹰食住阿尔及利亚