非国盃4强大战，周一凌晨阿尔及利亚斗尼日利亚。今季开局慢热嘅「超霸鹰」愈踢愈弗，尤其前场几位攻击手开始上力，面对有多位主将上阵成疑嘅阿尔及利亚，有望取得佳绩，平手盘捧尼日利亚。
（MyTV Gold 302、Now 639、有线615及655台周一凌晨3时直播）
阿尔及利亚上仗同科特迪瓦恶战120分钟都未分胜负，要靠12码先至勉强晋级，体能消耗极大，未必及时回复到最佳状态，该战仲有入球功臣菲侯利同主力守将艾泰两人齐齐因伤被调离场，好大机会缺席呢场大战，冇咗佢哋，阿尔及利亚战力肯定大打折扣，呢场随时陷入被动。相反「超霸鹰」恩哈路、卓禾斯同伊禾比等人所组成嘅前场攻击组合愈踢愈有默契，呢场有足够实力玩强攻，加上尼日利亚近6次交手取5胜1和往绩优势明显，呢场平手盘肯定捧尼日利亚。
突尼西亚半场顶到塞内加尔
同日塞内加尔、突尼西亚争夺另外一个决赛席位，塞国头号球星沙迪奥文尼实力有几劲就唔使多讲，尤其被调至边路参与进攻组织，令呢位利物浦攻击手有更大发挥空间，可惜上仗佢两次食诈胡，入波运似乎就差咗啲。况且突尼西亚今届赛事一路以嚟都实行保守战术，尤其开局明显慢热，近4仗半场都同对手打和，呢场都会睇定嚟踢，半场和值得再追。
（MyTV Gold 301、Now 638、有线614及654台周一凌晨零时直播）