讲到今晚心水，不得不提日职「多摩川打吡」──FC东京主场对川崎前锋。榜首FC东京冇咗「日本美斯」久保建英，一样火力全开，挟主场4连胜之势，今仗仲有得受让咁笋，让球主胜咪错过。
（有线662及602台周日晚6时直播）
FC东京今季能长居榜首，小将久保建英功不可没，虽然呢位「日本美斯」已过档皇马，好彩仲有迪亚高奥利华拉撑住，佢近2场联赛入3粒，打破自4月尾以来嘅入球荒，连同另一前锋永井谦佑频有士哥，难怪FC东京近2仗联赛入7球，攻力未受影响，而且近4场主场赢晒坚恶。
近两届日职盟主嘅川崎前锋，依家落后FC东京7分，为追分一定焗攻，但近5仗仅2捷，包括上仗被弱旅鸟栖砂岩闷和0比0，前锋演出麻麻，作客要让波唔多信得过，转捧主场受让兼弗爆嘅FC东京让球主胜。