今晚欧联H组煞科战，华伦西亚主场迎战曼联。「红魔」争首名仲未绝望，但佢的今届欧联踢法保守，尤其前场进攻常遇阻滞，作客对住擅守嘅华伦，半场睇怕胶着居多，捧半场和最稳阵。（Now 643周四凌晨4时直播）
联赛状态飘忽嘅曼联，踢欧联反而更对办，上轮击败年青人后已提早抢到16强席位，曼联现时落后榜首祖云达斯2分，仲有机会后来居上，可惜一班前锋喺莫连奴麾下全面哑火，卢卡古今届欧联仲未开斋，令人失望，搞到「红魔」近4仗欧联有3次开出半和，包括首循环主场都只系同华伦闷和0比0。主场出击嘅华伦今季靠防守搵食，笃定获小组第3转战欧霸嘅佢的，今晚但求唔失威，半和值博。
祖记保首位势塔鱼腩
同时间同组另一场年青人主场对祖云达斯。瑞士代表年青人明显未够班，小组5战后只得1分垫底笃定出局，相反拥有C朗、保罗戴巴拿同文迪苏杰等进攻好手嘅祖记，为守住小组首名遇「鱼腩」唔会手软，让球客胜捧得过。