今晚英超头场之一，车路士作客白礼顿。车仔王牌夏萨特近期变身助攻王，频频为队友铺桥搭路，造访防守不稳兼有后卫沙恩杜菲坐波监嘅白礼顿，客胜冇肉食，转捧中位数2.5球嘅大盘更佳。（Now 621周日晚9时30分直播）
夏萨特转玩助攻交足货
车仔在意国主帅沙利改造下大踢进攻足球，成功释放出众将嘅进攻意识，季初频频入波嘅王牌夏萨特，近期转换角色变身助攻王，上场联赛交出两次关键助攻，协助车仔以2比0击败曼城。「夏神」今季联赛已录得8次助攻，火力全开。
白礼顿今季表现唔算曳，近4场联赛主场未输过添，绝不能小觑，不过呢班波连续6场联赛有失波，防线摆明唔多稳阵。最弊系主力守将沙恩杜菲今仗要坐波监，令防线乱上加乱更难保不失。以波论波，车仔赢波机会系较高，但要留意佢的近4场联赛作客两度败阵，包括以1比2倒输畀狼队，其实客胜唔系想像中咁稳，仲要得1.32倍咁奀，高风险低回报，斯维宁愿拣2.5球嘅大盘。