苏B领军士气冚沙利
英格兰足总盃16强周二凌晨爆发重头戏，车路士主场火併曼联。曼联上场欧联不敌巴黎圣日耳门，「苏B」苏斯克查上任后首次落败，不过佢赛后冇为输波搵藉口，态度正面；相反车仔输畀曼城后士气低落，领队沙利及夏萨特又传不和，内部士气和曼联冇得比，车仔让平半必拣下盘。
（周二凌晨3时30分开赛，马会网上文字直播）
曼联上场欧联16强首回合主场淨吞圣日耳门两蛋，好多球迷形容呢场败仗係将苏B由天堂拉回现实，无可否认，曼联嗰场比赛无论个人质素、队形都唔及对手，不过喺连格、安东尼马迪尔未伤出前，曼联形势唔算太曳，就算本身攻势唔入肉，圣日耳门有威胁攻门亦唔多。最重要係苏B输波后态度好正面，坦承曼联实力的确不及对手，仲叫球员要放眼将来，改善不足寻求进步，呢样嘢係以前摩连奴执教曼联时唔会见到，苏B之所以得民心，咁多人想佢坐正，正正就係呢种正能量与别不同，可以预期呢场败仗，对曼联信心打击唔会太大，反而有可能畀机会苏B放低「不败」呢个心理包袱，重新上路。
上场伤出嘅翼锋连格及安东尼马迪尔今场肯定缺阵，阿历斯山齐士踢完欧联亦报称受伤，上阵成疑，不过苏B上任后作客已经6连胜，包括联赛1比0击败热刺及上圈英足盃以3比1淘汰阿仙奴，斗传统Big6未惊过。
车路士搏完欧霸未回气
车路士上轮联赛作客以0比6惨负曼城，创下球会自英超成立以来最大比数落败纪录，连同之前1场作客输畀般尼茅夫0比4，2场作客失10球对车仔嚟讲绝对罕见，虽然佢哋上场欧霸作客赢马模2比1，不过表现唔算突出，胜在赢个人质素，而且佢哋比起曼联少2日时间休息，体力亦有输蚀。车路士对上5场主场虽然赢晒，但对手分别係英冠诺定咸森林同锡周三，英超护级分子哈特斯菲尔德及纽卡素，就算英联盃4强次回合击败热刺，对手阵容亦严重不整，冇咩说服力，主场让平半制唔过，何况足智彩让球盘今季两次开曼联受让少过1球，佢哋都赢盘，波童当然拣下盘。