鹿島鹿角上盤掃雷
文:Mic少

作客1哥 讓波露手影
日職今周上演重量級大戰，榜首柏雷素爾主場鬥「作客王」鹿島鹿角。「1哥」柏雷素爾近10場聯賽豪取9勝1和，但今場竟然受讓平半，皆因鹿島鹿角仲犀利，今季6場聯賽作客全勝，難怪備受莊家睇好，強捧鹿島鹿角上盤！

（有線61及201台周日下午5時30分直播）
柏雷素爾近況走下坡
柏雷素爾由4月中以2比1擊敗神戶勝利船開始，近10場聯賽獲9勝1和，不過要留意佢哋近兩場聯賽表現有走下坡迹像，先係作客下游隊伍甲府風林被悶和0比0，上仗主場面對另一支護級球隊北海道札幌岡薩多，亦要苦戰至完場前2分鐘先至險勝2比1，今仗遇上「作客王」鹿島鹿角，更有巴西鋒將杜度打柴，隨時有輸波危機。

鹿島鹿角喺亞冠盃16強畀FC廣州淘汰後，專心踢好本土賽事，包括日皇盃在內近4仗全勝，近3仗更合轟10球兼不失球，狀態比柏雷素爾更勁。值得一提鹿角今季6場聯賽作客贏晒，今仗讓波露手影，2.05倍上盤咪走寶。