馬模添兵 大起榜尾艾斯基斯杜拿

瑞超休戰接近1個月後今晚重燃戰火，打頭陣有「最強對最弱」戲碼，由榜首馬模主場迎戰包尾嘅艾斯基斯杜拿。主隊開季表現穩定，休戰期間更加喺天狼星簽入超級翼鋒京士利沙科，火力大大提升，聯賽重開首戰肯定大開殺戒振聲威，捧入球大穩陣。

（周六晚10時開賽）
馬模早前以球會史上第3高轉會費嘅150萬歐元，羅致天狼星嘅加納新星京士利沙科，呢位22歲翼鋒係天狼星上季升班英雄，60次為天狼星披甲交出9個入球及18次助攻，今次收購令馬模入球能力進一步提升。馬模今季主場崇尚進攻踢法，就算失球數字偏高，亦可以靠更多入波換取勝利，近4仗主場聯賽總入球都達到3球或以上。雄心壯志的馬模在聯賽重開首仗，當然希望以大勝振奮軍心，面對弱旅必定瘋狂進攻爭取大捷。

艾斯基斯杜拿有望破蛋
艾斯基斯杜拿征戰瑞超明顯未夠班，今季仍然未贏過波，休戰前2場聯賽分別1比4不敵佐加頓斯同1比3輸畀AIK蘇納，雖然2名箭頭艾達希同保亞杜雷個人能力唔差，今仗造訪瑞超最強馬模預期有望破蛋，但難逃被大炒厄運，捧入球大好路。