欢迎来到足球图库!
当前位置:主页 > 太阳报 >
漢堡作客腳軟難讓波
时间:2020-05-17 17:48   来源:足球图库

德乙前列大戰,第5嘅格雷特霍夫主場火併「3哥」漢堡。兩隊同樣力爭升班,不過漢堡主強客弱,客場勝率偏低,要讓波只因名氣較大,轉捧格雷特霍夫讓球主勝。

(on.cc東網周日晚7時30分直播)

今季獲前慕遜加柏教頭赫基掌舵嘅漢堡,重返德甲決心唔使懷疑,佢哋12場主場聯賽取得9勝1和2負,喺德乙僅次於史特加,可惜作客慘不忍睹,13仗作客聯賽贏得3場,單計近11場作客聯賽更只得1勝7和3負,勝率唔夠1成。不過漢堡喺德乙始終係名牌,無論主客都經常要讓波,13仗作客「讓球主客和」全部讓波情況下,贏盤僅得3仗,今場又要讓波不宜沾手。

格雷特霍夫傷疲盡起
格雷特霍夫停擺前10場聯賽只輸3仗,包括主場贏過次席史特加,唔講得笑,而且疫情令佢哋多位傷兵可專心休養,大部分都好番晒。格軍依家落後漢堡8分,只要今仗贏波就可拉近距離,梗係加多幾錢肉緊,主場有得受讓,讓球主勝趁早買。

上一篇:蔚山撻着恰水原     下一篇:不來梅半場和啱數