今晚各大盃赛激战连场，等阿King同大家分享过关好路。其中东南锦4强次回合，越南将会返到主场再斗菲律宾，越南首回合以2比1取胜，呢场肯定会以守代攻，对付开局不嬲慢热嘅菲律宾，半场和值博。
（有线603及604台周四晚上8时30分直播）
以早前U23亚洲盃冠军阵容为主要班底嘅越南，呢次出战东南锦表现依然强劲，今届5仗取4胜1和，兼只系失过1球，后防发挥稳定，其中就包括喺4强首回合抢得胜局，呢场喺番自己地头出击，可以话系佔主动权。相反以瑞典名帅艾历臣领军嘅菲律宾，今届5战有4次半场都同对手打和，攻力欠保证，作客强敌越南更加难有作为，半场和唔好错过。
利云特「大」起乙组仔
同日仲有西盃32强次回合对决，由利云特主场出战对乙组仔卢高，利云特岩岩主场赠毕尔包3蛋，气势如虹，中位数2.5球嘅入球大捧得过。尾关拣阿盃决赛，罗沙里奥中央喺中立场面对甘拿斯亚，罗沙里奥出战阿根廷盃开局不嬲谨慎，近4仗阿盃半场都同对手难分高下，半场和值得追捧。