史特加主场对哈化柏林，史特加上轮惨吞慕逊加柏3蛋令佢的留喺降级区，不过咁都未够伤，最惨系阵中最有卡士嘅防线支柱班捷文柏华特受重创，今年之内都难复出，加上中场艾历汤美停赛，阵容严重不整，明醒近况全面回勇嘅客军，今场平手盘撑硬哈化柏林。
（on.cc东网周六晚10时30分直播）
现年22岁嘅法国世界盃冠军功臣班捷文柏华特，一直系史特加阵中嘅最大牌球星，佢喺近3个球季，已经连续为史特加喺联赛上阵左60场，仲一早畀班霸拜仁预订左，喺明年夏天正式收购，虽然拜仁提出喺下月转会窗重开时提早收购，但史特加立即拒绝，坚系冇左佢唔得，今晚因伤缺阵对防线打击极大。史特加喺新帅韦恩薛亚上任后7场联赛输左5场，似乎未有办法令呢支老牌球队走出低谷。
首都球会哈化柏林之前表现曾经见反覆，不过近期回复稳定兼回勇，连赢两仗兼冇失波，上轮仲爆冷力挫今季神奇球队法兰克福，士气正盛，今晚够料趁史特加阵容不整力争3连胜。