FC东京主场万众一心
 
近期势如破竹嘅FC东京，今日会喺主场迎战实力同埋走势都普通嘅清水心跳，胜利3分绝对可以手到拿来，既然足智彩开有让球盘提供，买FC东京让半球、一球上盘，至少都执到半格番嚟啦！（周六1，有线61及201台周六6:00pm直播）
 
主队FC东京上周击败鸟栖砂岩2:1，较早前就试过击败松本山雅2:1、0:0赛和湘南比马、2:1力克柏雷素尔、1:1和广岛三箭，同埋2:1击败甲府风林，佢哋近期嘅不败场数已经延续到5场，而且失球数字偏少，等閒球队想攻入佢哋唔係咁易。清水心跳上周以0:2不敌甲府风林，另外以0:1负浦和红鑽，换言之已经连输两场，早前连胜川崎前锋5:2同埋神户胜利船2:1嘅气势一扫而空，而且佢哋整体作客表现麻麻，想喺FC东京地头作反有难度，捧主队开半球、一球上盘。
 
同日松本山雅主场对湘南比马就係哀兵对决，松本山雅已经6连败，球员信心直插落谷底，不过湘南比马近5战不胜亦唔好得几多，所以今仗交手真係海军斗水兵，捧3.2倍嘅和局係最正路之选。（周六3，香港时间周六6:00pm开赛）
 
山雅比马海军斗水兵
 
另外，鸟栖砂岩主场对广岛三箭亦不易反弹，虽然鸟栖砂岩实力唔差，但係3连败真係有损士气，撞正走势相反，啱啱取得3连胜嘅广岛三箭，随时再输一仗，捧广岛三箭开3.9倍「让客」。（周六5，有线64及203台香港时间周六6:00pm直播）