加拿大女足有型格
 
两队唔似有能力杀到入嚟女子世界盃8强嘅球队将会喺今晚一分高下，咁到底係主办国加拿大女足定係英格兰女足能够去到4强？既然双方嘅实力差唔多，梗係捧有主场同埋球迷撑腰嘅加拿大女足啦！（周六21，香港时间周日7:30am开赛）
 
其实两队波能够入到嚟8强真係有些少爆冷嘅味道，特别係英格兰女足喺16强遇到嘅係实力唔错嘅挪威女足，而且佢哋仲係首先落后嗰队，咁都能够晋级实在唔佩服佢哋，可惜全队得个姬芘係较有质素，其馀位置唔係好强，嚟到8强係时候现形嘞。
 
至于加拿大女足亦係靠队长姬丝甸冼佳亚撑起成队波，不过唔好忘记佢哋係东道主，有主场球迷支持下话唔定一人可行多几步，分分钟就係凭住呢种主场之利令到佢哋再晋一级，少让平手、半球顶多都係唔见半格。