周日晚西甲激战连场，打头阵嘅有伊巴主场斗基达菲。伊巴近况低迷，喺积分榜跌到落降班区边缘，为免进一步失分踢法肯定谨慎；另边厢基达菲不嬲慢热，预料呢场双方半场前都难分出胜负，半场和係好路。

（Now 632周日晚上7时直播）

基达菲打惯反击入局慢
崇尚防守反击战术嘅基达菲，不嬲以稳健防守为先，近4仗保持不败之馀，仲只係失过1球，可见善于激发球员斗志嘅主帅波达拉斯，经常能令基达菲球员喺失去控球权的情况下从容布防，绝对係一支十分难缠嘅球队。相比之下，基达菲进攻质素比较失色，上场虽然4比0击败利云特，但全部都係靠死球同12码先入到波，证明佢哋组织攻势嘅能力有限。况且基达菲经常出现比赛初段入局较慢嘅毛病，计埋上场联赛，近4仗全部半场同对手打和，抢攻能力好一般。

伊巴近期惨遭联赛3连败，其中2场都食白果，进攻乏力绝对係近况低迷嘅主因之一，现时球队排名跌到落积分榜下半版，形势非常严峻，为免再失分，呢场都唔敢踢得太进取，宁愿做好防守缩住踢。既然两军同属「保守派」，估计上半场都难以取得甜头，一于捧半场和。