东道主迎击巨人杀手
美洲国家盃今夜爆发王者之战，由东道主巴西再遇奇兵秘鲁争冠。「森巴兵团」今届分组赛曾豪赠秘鲁5蛋，实被睇高一线，不过秘鲁连续砌低2支前度冠军乌拉圭同智利，士气、信心爆晒棚；加上两军近年交手，经常大手交易，今仗随时同演入球骚，2.5球嘅大盘有买趁早。
（Now 650周一凌晨4时直播）
巴西前线火力全开
巴西上场4强以2比0击退宿敌阿根廷，今届5战保持零失球，两大射手罗拔图法明奴、「耶稣仔」加比尔捷西斯喺呢场互相助攻对方建功，逐渐培养出默契，「耶稣仔」上仗及时入波，有助重拾信心。法明奴喺分组赛对秘鲁亦攻入1粒，协助巴西大胜5比0，况且佢同前红军拍档菲腊比古天奴夹惯夹熟，连同今届爆出嘅艾华顿索拉斯，火力全开，为重夺失落12年嘅美洲盃，必藉主场之利狂攻秘鲁。
秘鲁冇包袱玩对攻
「巨人杀手」秘鲁，虽曾喺分组赛惨吞巴西5蛋，不过踏入淘汰赛后愈战愈勇，先喺8强踢走2011年冠军乌拉圭，4强再大胜近两届盟主智利3比0，表现脱胎换骨。秘鲁对上一次打入美洲盃决赛已经係1975年，嗰次亦係佢哋第2次捧美洲盃，今次再入决赛已超额完成，压力比起东道主巴西细得多，冇心理包袱下随时同对手斗攻，2.5球嘅大盘捧得过。