今晚英超独脚戏，「拖肥糖」爱华顿喺主场迎战「大黄蜂」屈福特。今仗系爱华顿主帅马高施华倒戈，上季佢畀屈福特炒鱿，点都想赢番铺一吐乌气，不过佢学精左识得留前斗后，预计初段会稳阵行先，睇准机会先拮「大黄蜂」一刀，半场和更值博。
（Now 621周二凌晨4时直播）
葡萄牙籍少帅马高施华初登英超时，大踢进攻足球，前季季中接手侯城虽护级失败，但获得屈福特垂青，上季季初一度带领球队杀上前四，不过当时爱华顿怒炒朗奴高文后，曾经斟过马高施华，「大黄蜂」认为佢的咁做搞到施华心都散晒，导致季中战绩插水，最终请左呢位少帅食无情鸡。直到今季马高施华才正式接手爱华顿，难得今仗冤家路窄，梗系想赢波威番铺，但佢亦学精左，採取留前斗后的策略，为免过早失波陷于被动，上半场会先求唔输，从「拖肥糖」近8场7次开半场和，可见一斑。
留前斗后vs残阵焗守
今季头4场联赛赢晒嘅屈福特，亦惯性跌Watt，近9场联赛输左6仗，无复季初勇态，连对住修咸顿、纽卡素等下游分子都赢唔到，加上防中伊天卡普尔坐波监，后卫卡保奥及普特尔亦告受伤，呢场作客一定先做好防守，唔敢轻举妄动。查实「拖肥糖」近4仗仅1胜，状态亦唔好得几多，睇番两军近5次交手，全部开半场和，不妨追多铺。