巴黎圣日耳门欧魂摄魄
 
法国足总盃决赛上演强弱悬殊之战，乙组仔欧塞尔顽抗法甲盟主巴黎圣日耳门，想偷鸡真係唔容易，毕竟圣日耳门季尾走势凌厉，即使让两球都有权开「让客」捧盃扬威圣但尼。（周六32，无綫网络电视301频道周日3:00am直播）
 
作为一支乙组球队，欧塞尔可以杀入足总盃决赛真係好值得鼓舞，但如果你认为佢哋喺法乙煞科战不敌勒哈费尔係留力就大错特错，事关欧塞尔季尾已累积连续7场不胜，另外仲输俾查多鲁同埋杜亚斯，状态认真麻麻。
 
巴黎级数起码超两班
 
教练云路基承认要击败圣日耳门嘅难度甚高，因为球队有后卫卡斯迪列图同埋中场利芬巴华利因伤倦勤，阵容方面并唔完整，强调今仗会尽力而为，因为佢觉得，可以晋身决赛已经係一项成就，佢咁讲法，即係未打就已经认输啫。
 
巴黎圣日耳门喺欧联可以打败车路士杀入8强，最后只係俾巴塞隆拿淘汰，足证实力非常强横，虽然前锋伊巴谦莫域伤势未明，但係球队最后两轮法甲冇咗呢位瑞典球星依然击败蒙彼利埃同埋兰斯，累积喺季尾取得6连胜佳绩，就反映咗后备板凳深度充足，即使柏斯托利要坐波监无缘落场，不过圣日耳门仲有卡云尼、拿维斯、拉比奥特同埋大卫雷斯等星级球员，呢场法国足总盃决赛真係十拿九稳，加上对手只係乙组仔，「让客」易过食菜。