禾夫斯堡足智多谋
 
柏林今晚上演德国盃决赛，多蒙特虽然有教练高普临别秋波，但由于禾夫斯堡实力同走势兼备，加上讲明要捧盃悼念已故小将马兰达，故此受让平手、半球可以捧下盘报捷。（周六29，无綫翡翠台及无綫网络电视13频道周日2:00am直播）
 
今季大走样嘅多蒙特，季尾的确有回勇迹象，最后7战仅尝一败，不过唯一嘅败仗就係不敌禾夫斯堡，你话邪唔邪吖！
 
禾堡为马兰达而战
 
其实蜜蜂兵团煞科战主场赢波送别高普都相当惊险，佢哋仅以3:2力克云达不来梅，香川真司、奥巴美扬同埋米希达利恩都分别取得「士哥」，不过后防就唔多稳阵，故即使队长晓姆斯同埋苏保迪呢对中坚先后表示会续约，大家依然会替多蒙特未来一季嘅防守能力有戒心，加上蜜蜂兵团整体演出真係好飘忽，买佢哋好冇保障。
 
禾夫斯堡今晚会着住下季新波衫登场，不过帮赞助商宣传都係其次，最重要係今晚嘅战衣会有一个心心图桉，上面印住19号，呢个就係阵中小将马兰达生前嘅球衣号码，呢位比利时中场早前遇严重车祸离世，全队都话冇忘记佢，并要以德国盃冠军作悼念，谂起都非常感动。事实上，禾夫斯堡实力同埋走势已经好强，赢多蒙特亦係情理之内，季尾5战保持不败，舒贺尔尼、奇云迪布尼、巴斯杜斯同埋路尔斯古斯达禾等主将都上晒力，受让平手、半球当然要下盘啦！